Radiodrama-Slypskool Lake umuzi Secunda

Kobus Burger van RSG bied ’n dag lange, praktiese skryfkursus aan waarin hy die geheime en tegnieke van goeie drama en radiodrama verklap. RSG bied vanjaar weer die RSG Sanlam Radiodrama-skryfkompetisie aan en die prysgeld beloop R115 000. Kom leer op ’n vermaaklike manier hoe om jou teks vir hierdie kompetisie te skryf en te slyp.
Leer wat word gereken as goeie radio-dialoog (en hoe dit klink!), hoe om spanning te skep en hoe ander skrywers daarin geslaag het om in die kompetisie uit te blink. Deelnemers sal ook hoor wat die mees algemene foute is wat beginner-skrywers maak en wat die beoordelaars vir nuwelinge aanbeveel.
Daar sal genoeg klankvoorbeelde wees om na te luister asook tyd om te skryf en te luister.
Die bekroonde radiodramaturg Hendie Grobbelaar sal ook vertel hoe en waar die radiogogga gebyt het en hoe sy haar twee gewilde radiodramas aangepak het.
Deelnemers sal ’n handleiding ontvang – wat nie algemeen beskikbaar is nie – en verskeie hulpbronne sal met kursusgangers gedeel word.
SPERTYD vir aansoeke is Vrydag 28 Mei.
Die slypskool is op enigiemand van 16 jaar en ouer gemik. Geen vorige ervaring in skryf is nodig nie.

Vir meer inligting oor Kobus Burger en Hendie Grobbelaar klik HIER

Vrydag, 4 Junie 2021, 18:00 – 20:00
Ken mekaar en boekbekendstelling (opsioneel)

Saterdag, 5 Junie 2021, 08:00 – 17:00
Radiodrama-slypskool

Boesies Konferensie Lokaal
Lake Umuzi Waterfront, Secunda

Slegs R800 vir die volledige kursus

Vir meer inligting kontak Alma Swart – 083 657 5411 
[email protected]

Radiodrama Slypskool Secunda

WANT TO HOST AN EVENT?

Contact Rolin, 0725808563 for more information.
[contact-form-7 404 "Not Found"]